امریکی صدر جو بائیڈن کی دوسری میعاد کے لئے انتخابی مہم شروع

واشنگٹن: صدر جو بائیڈن نے منگل کے دن اپنے دوبارہ انتخاب کی مہم شروع کردی۔ انہوں نے امریکیوں سے اپیل کی کہ انہیں اپنا کام مکمل کرنے کے لئے مزیدوقت دیں۔تقریباً 3 سال قبل وہ اپنے پیشرو ڈونالڈ ٹرمپ کو ہراکر امریکہ کی تاریخ میں عمررسیدہ صدر بنے تھے۔

80 سالہ ڈیموکریٹ جو بائیڈن نے 3 منٹ کے پروموشنل ویڈیو میں جو ایک لفظ ”فریڈم“ (آزادی) سے شروع ہوتا ہے‘ یہ اعلان کیا۔ ویڈیو میں انہوں نے 2024 کے الیکشن کو ریپبلکن انتہاپسندی کے خلاف لڑائی قراردیا۔ انہوں نے کہا کہ انہیں اپنا کام مکمل کرنے کے لئے مزید وقت درکار ہے۔

انہوں نے کہا کہ 4 سال قبل میں نے جب صدارتی الیکشن لڑا تھا تو میں نے کہا تھا کہ ہم امریکہ کی روح کے لئے لڑرہے ہیں اور یہ لڑائی ابھی بھی جاری ہے۔