کھیل

فلسطینی بچوں کیلئے عثمان خواجہ کا بڑا اعلان

آسٹریلیا کرکٹ ٹیم کے اوپنر بلے باز عثمان خواجہ نے فلسطینی بچوں کی مدد کے لیے بڑا اعلان کر دیا ہے۔

سڈنی: آسٹریلیا کرکٹ ٹیم کے اوپنر بلے باز عثمان خواجہ نے فلسطینی بچوں کی مدد کے لیے بڑا اعلان کر دیا ہے۔

متعلقہ خبریں
ویڈیو: پہلی ٹیسٹ وکٹ لینے پر ویسٹ انڈین بولر کا منفرد جشن
عثمان خواجہ، سیاہ پٹی پر آئی سی سی کے فیصلہ کو چالینج کریں گے
غزہ میں فلسطینیوں کی تائید میں خواجہ نے بازو پر سیاہ پٹی باندھی، آئی سی سی کی سرزنش
عثمان خواجہ اور گرین نے ہندوستان میں 43 سالہ تاریخ بدل دی
ہندوستان میں سنچری اسکور کرنا ہمیشہ خاص ہوتا ہے: عثمان خواجہ

غزہ پر جاری اسرائیلی جارحیت کے خلاف آسٹریلوی کرکٹر عثمان خواجہ ہر فورم پر اظہار یکجہتی کی کوشش کر رہے ہیں اور اسرائیلی مظالم کو دنیا کے سامنے آشکار کر رہے ہیں۔

عثمان خواجہ نے گزشتہ ماہ پاکستان کے خلاف پرتھ ٹیسٹ میں ’’تمام زندگیاں برابر ہیں‘‘ کا نعرہ لکھے جوتے پہن کر فلسطینیوں سے اظہار یکجہتی کا اعلان کیا تھا تاہم آئی سی سی ان کے آڑے آ گیا تھا اور انہیں یہ جوتے پہننے سے روک دیا تھا۔

تاہم اب آسٹریلوی اوپنر نے ان ہی جوتوں کو نیلام کرنے کا اعلان کیا ہے جس سے حاصل شدہ آمدنی وہ غزہ کے بچوں کی مدد کے لیے استعمال کی جائے گی۔

عثمان خواجہ نے یہ اعلان اپنے سوشل میڈیا اکاؤنٹ پر کرتے ہوئے کیا ہے جس کے مطابق یہ نیلامی 12 فروری تک جاری رہے گی۔

کرکٹر نے کہا کہ اس سے حاصل ہونے والی تمام آمدنی یونیسف چلڈرن آف غزہ کے لیے ہو گی کیونکہ اس وقت وہاں کے بچوں کو دنیا کی مدد کی پہلے سے بہت زیادہ ضرورت ہے۔

واضح رہے کہ اس سے قبل آسٹریلوی کرکٹر عثمان خواجہ نے ان ہی نعرے لکھے جوتوں کی پرنٹ والی ٹی شرٹ پر فلسطینوں سے یکجہتی کے نعرے درج کر کے ملبوسات بنانے والی کمپنی سے معاہدہ کیا تھا۔

عثمان خواجہ نے سوشل میڈیا پر ٹی شرٹس خریدنے کی اپیل کرتے ہوئے کہا تھا کہ اس سے حاصل ہونے والی رقم اقوام متحدہ کی تنظیم ’یونیسیف چلڈرن آف غزہ‘ کو دی جائے گی۔