تلگوفلم کے معمر اداکار چلپتی راؤ چل بسے
راؤ نے تقریباً600 فلموں میں مختلف رول ادا کئے تھے۔ انڈسٹری ذرائع نے یہ بات بتائی۔ آنجہانی چلپتی راؤ کے فرزند روی بابو بھی ٹالی ووڈ کے اداکار، ڈائرکٹر اور پروڈیوسر ہیں۔
حیدرآباد: معمر اداکار چلپتی راؤ، ہفتہ کی شب یہاں چل بسے، وہ78 برس کے تھے۔ خاندان کے ذرائع نے اتوار کو یہ بات بتائی۔ راؤ نے تقریباً600 فلموں میں مختلف رول ادا کئے تھے۔ انڈسٹری ذرائع نے یہ بات بتائی۔ آنجہانی چلپتی راؤ کے فرزند روی بابو بھی ٹالی ووڈ کے اداکار، ڈائرکٹر اور پروڈیوسر ہیں۔
فلمساز سریش جنہوں نے مکان جاکر غمزدہ خاندان سے دلی ہمدردی کااظہار کیا ہے، نے کہا کہ افسوسناک بات یہ ہے کہ ہمارے کئی افراد چل بسے ہیں، راؤ نے کئی تلگو فلموں میں سپورٹنگ ایکٹر کے طور پر کیا ہے اور این ٹی راما راؤ، کرشنا، اے ناگر جنا، چرنجیوی اور وینکٹیش کی فلموں میں انہوں نے ویلن کے طور پر کام کیا تھا۔
اداکار وجنا سینا پارٹی کے سربراہ پون کلیان نے چلپتی راؤ کے انتقال پر دکھ کااظہار کیا۔ چلپتی راؤ کی چند مشہور فلموں میں یما گولا، یوگا پروشوڈو، جسٹس چودھری، بوبلی پلی، ننے پلے ڈاٹا اور الاری شامل ہیں۔
