ویڈیو: سرکاری دواخانہ نظام آباد سے 3سالہ لڑکے کا اغوا

نظام آباد: سرکاری دواخانہ نظام آباد سے ایک 3 سالہ لڑکے کا2 نامعلوم افراد نے اس وقت اغوا کرلیا جب بچہ ہاسپٹل کے کاریڈار میں فرش پر اپنے باپ کے ساتھ سو رہا تھا۔

اس واقعہ کا ویڈیو سوشل میڈیا پر وائرل ہو رہا ہے جس میں واضح طور پر دیکھا جا سکتا ہے کہ ایک شخص بچہ کو اپنے کاندھے پر لے کر ہاسپٹل سے باہر نکل رہا ہے۔

اس کے سامنے ایک اور شخص بھی موجود ہے۔ ہاسپٹل میں موجود سی سی ٹی وی کیمرے میں بچہ کے اغوا کی ویڈیو قید ہوگئی ہے۔

بتایا گیا ہے کہ ہاسپٹل میں ضلع نظام آباد سے تعلق رکھنے والی ایک خاتون ڈیلیوری کیلئے آئی تھی۔ اس کا شوہر اپنے تین سالہ بچہ کو لے کر ہاسپٹل میں سویاہوا تھا لیکن نامعلوم افراد نے بچہ کا اغوا کرلیا۔