خیریت آباد ضمنی انتخاب کا نوٹیفکیشن روکنے کیلئے وجئے ریڈی تلنگانہ ہائی کورٹ سے رجوع
وجئے ریڈی نے اپنی درخواست میں الیکشن کمیشن سے متعلقہ ہدایات جاری کرنے کی استدعا کی ہے کہ جب تک ان کی جانب سے 2024 میں دائر کردہ انتخابی عرضی پر حتمی فیصلہ نہیں ہوجاتا، خیریت آباد اسمبلی حلقہ کے ضمنی انتخاب کا نوٹیفکیشن جاری نہ کیا جائے۔
حیدرآباد: کانگریس لیڈر پی وجئے ریڈی نے خیریت آباد اسمبلی حلقہ میں ممکنہ ضمنی انتخاب کے نوٹیفکیشن کو روکنے کی ہدایت دینے کی درخواست کرتے ہوئے تلنگانہ ہائی کورٹ سے رجوع کیا ہے۔
وجئے ریڈی نے اپنی درخواست میں الیکشن کمیشن سے متعلقہ ہدایات جاری کرنے کی استدعا کی ہے کہ جب تک ان کی جانب سے 2024 میں دائر کردہ انتخابی عرضی پر حتمی فیصلہ نہیں ہوجاتا، خیریت آباد اسمبلی حلقہ کے ضمنی انتخاب کا نوٹیفکیشن جاری نہ کیا جائے۔
وجئے ریڈی نے 2024 میں دائر انتخابی عرضی میں سابق رکن اسمبلی دانم ناگیندر کے خیریت آباد سے انتخاب کو چیلنج کرتے ہوئے دعویٰ کیا تھا کہ ان کا انتخاب قانونی طور پر درست نہیں ہے۔
حالیہ پیش رفت کے پس منظر میں خیریت آباد اسمبلی نشست خالی ہوئی ہے، جس کے بعد ضمنی انتخاب کی راہ ہموار ہوئی ہے۔ تاہم، وجئے ریڈی کا موقف ہے کہ ان کی زیر التوا انتخابی عرضی پر حتمی فیصلہ آنے تک ضمنی انتخاب کا عمل شروع نہیں کیا جانا چاہیے۔
درخواست میں الیکشن کمیشن کو ہدایت دینے کی اپیل کی گئی ہے کہ ہائی کورٹ میں زیر سماعت انتخابی مقدمے کے حتمی فیصلے تک خیریت آباد ضمنی انتخاب کا نوٹیفکیشن جاری نہ کیا جائے۔
اس معاملے پر ہائی کورٹ میں آئندہ سماعت کے دوران مزید پیش رفت متوقع ہے۔
