تلنگانہ کے ضلع نلگنڈہ میں سرکاری اسپتال کے بیت الخلا میں خاتون نے بچہ کو جنم دیا

حیدرآباد:  تلنگانہ کے ضلع نلگنڈہ میں سرکاری اسپتال کے بیت الخلا میں خاتون نے بچہ کو جنم دیا۔

تفصیلات کے مطابق دھرماپورم دیہات سے تعلق رکھنے والی پاروتماں پیٹ میں درد کی شکایت پر اسپتال پہنچی۔

اس کی پہلی زچگی نارمل ہوئی تھی، ڈاکٹرس نے اس کے شوہر اور رشتہ داروں سے کہاکہ دوسری زچگی بھی نارمل ہوگی۔

ڈاکٹرس نے کہاکہ زچگی کیلئے ابھی وقت ہے اسی لئے وہ گھر جائیں۔

اسی دوران پاروتماں بیت الخلا میں گئی جہاں شدید پیٹ درد کے بعد اس نے وہیں پر بچہ کو جنم دیا۔

اس کے رشتہ داروں نے ڈاکٹروں کو اطلاع دی جس کے بعد ڈاکٹرس وہاں پہنچے جنہوں نے خاتون اور نوزائیدہ کو آئی سی یو منتقل کیا۔

دونوں کی حالت مستحکم بتائی جاتی ہے۔

اس واقعہ کا علم ہونے کے بعد سپرنٹنڈنٹ ڈاکٹر لچونائک ماتاششو سنٹر کے وارڈ پہنچے اور خاتون اورنوزائیدہ کی صحت کے بارے میں معلومات حاصل کیں۔