مسجدالحرام میں خاتون کو فلسطینی پرچم لہرانے سے روک دیا گیا (ویڈیو وائرل)

ریاض: ایک خاتون کو مسجد الحرام میں فلسطین کا پرچم لہرانے سے روک دیا گیا۔ سوشل میڈیا پروائرل ویڈیو میں دیکھا جا سکتا ہے کہ ایک خاتون حرم شریف میں فلسطین کا پرچم لہرا رہی تھی۔ خاتون کے پرچم لہرانے کے کچھ سکینڈز بعد سیکورٹی عہدیدار نے خاتون کو فلسطینی پرچم لہرانے سے روک دیا۔

خاتون کے اطراف جمع ہونے والے افراد کو منشتر کرنے کیلئے مزید سیکورٹی عہدیدار بھی پہنچ گئے اور لوگوں کو طواف جاری رکھنے کی ہدایت کرتے رہے۔ ویڈیو میں فلسطین کا پرچم لہرانے والی خاتون کو سیکورٹی عہدیداروں سے گفتگو کرتے ہوئے بھی دیکھا جا سکتا ہے۔

فلسطین کا پرچم لہرانے اور سیکورٹی عہدیداروں کی خاتون کو منع کرنے کی ویڈیو سوشل میڈیا پر اب تک ہزاروں افراد دیکھ چکے ہیں۔