عتیق احمد کے لڑکوں کے خلاف جبری وصولی کا کیس
محمد مسلم نے الزام لگایا کہ عتیق کے بیٹوں کی ایما پر ان لوگوں نے ان سے پانچ کروڑ روپے کا مطالبہ کیا اور رقم ادا نہ کرنے پر انہیں ہلاک کرنے کی دھمکی دی۔
پریاگ راج اترپردیش: مقتول عتیق احمد کے قریبی ممتاز بلڈر محمد مسلم نے عتیق کے بڑے لڑکے محمد عمر، چھوٹے لڑکے علی، اسد کالیا، عتیق کے گن مین اھتشمام، نصرت اور چاکیا کے اجئے کے خلاف جبری وصولی کا الزام عائد کرتے ہوئے پریاگ راج میں خلداآباد پولیس اسٹیشن میں ایک ایف آئی آر درج کرائی ہے۔
محمد مسلم نے الزام لگایا کہ عتیق کے بیٹوں کی ایما پر ان لوگوں نے ان سے پانچ کروڑ روپے کا مطالبہ کیا اور رقم ادا نہ کرنے پر انہیں ہلاک کرنے کی دھمکی دی۔
خلداآباد پولیس نے کیس درج رجسٹر کیا اور معاملہ کی تحقیقات کررہی ہے۔
عتیق کا بڑا لڑکا عمر، لکھنو جیل میں ہے جب کہ چھوٹے لڑکے کو پریاگ راج میں نینی جیل میں رکھا گیا ہے۔
عتیق کے ساتھی اسد کالیا کو چاردن قبل گرفتار کیا گیا۔ محمد مسلم کو عتیق احمد کا قریبی متصور کیا جاتا تھا اور مسلم نے عتیق کے اثر ورسوخ کی مدد سے کئی جائیدادیں حاصل کیں۔
