چھیڑ چھاڑ کیس: کمال راشد خان کو ملی ضمانت

ممبئی: مہاراشٹر میں ممبئی کی ایک مقامی عدالت نے اداکارہ سے چھیڑ چھاڑ کیس میں اداکار کمال آر خان (کے آر کے) کو ضمانت دے دی ہے۔ ورسووا پولیس نے ان کے خلاف مقدمہ درج کیا تھا۔

ضمانت ملنے کے باوجود خان کو اداکار اکشے کمار اور فلم ساز رام گوپال ورما کے بارے میں 2020 کے متنازعہ ٹویٹ کے سلسلے میں بوریولی مجسٹریٹ کی عدالت میں ان کی ضمانت کی عرضی زیر التوا ہونے کی وجہ سے جیل میں ہی رہنا پڑے گا۔ کے آر کے کے متنازعہ ٹویٹ کیس میں ان کی ضمانت کی درخواست کی چہارشنبہ  خانکو بوریولی میٹروپولیٹن مجسٹریٹ کورٹ میں سماعت ہونے کا امکان ہے۔

انہوں نے عدالت کو بتایا کہ فرسٹ انفارمیشن رپورٹ (ایف آئی آر) کے دستاویزات عملی طور پر چھیڑ چھاڑ کے مبینہ واقعہ سے میل نہیں کھاتے۔ انہوں نے یہ بھی کہا کہ ایف آئی آر واقعہ کے 18 ماہ بعد درج کی گئی تھی اور وہ بھی اس وقت جب متاثرہ کے دوست نے اسے ایسا کرنے کو کہا۔ عدالت نے مسٹر خان کی درخواست منظور کرتے ہوئے انہیں ضمانت دے دی۔

واضح رہے کہ کے آر کے کو مبینہ توہین آمیز ٹویٹ کے سلسلے میں 30 اگست کو ممبئی انٹرنیشنل ایئرپورٹ سے گرفتار کیا گیا تھا۔ ساتھ ہی انہیں بوریولی مجسٹریٹ کی عدالت میں پیش کیا گیا جہاں سے انہیں 14 دن کی عدالتی حراست میں بھیج دیا گیا تھا۔