اسکول میں طالب علم کی خود کشی

گواہاٹی: آسام کے گولپاڑہ ضلع میں آٹھویں جماعت کے ایک طالب علم نے مبینہ طور پر اسکول کے احاطہ میں خودکشی کرلی۔ پولیس نے جمعرات کے دن یہ بات کہی۔

پولیس کے بموجب یہ واقعہ بھالک دوبی علاقہ میں واقعہ مہاتما گاندھی سینئر سکنڈری اسکول میں پیش آیا۔ اسکول کے اندر لاش لٹکی ہوئی پائی گئی۔

گول پاڑہ ضلع میں سپرنٹنڈنٹ آف پولیس راکیش ریڈی نے بتایا کہ ہمیں صبح میں واقعہ کے بارے میں اطلاع موصول ہوئی، یہ گولپاڑہ پولیس اسٹیشن کے قریب واقع ایک رہائشی اسکول ہے اور خود کشی کرنے والا طالب علم دوسرے ضلع سے یہاں آیا۔