عمرہ زائرین راست سعودی کمپنی سے پیکیج حاصل کرسکتے ہیں
واضح رہے کہ سعودی وزارت حج و عمرہ نے نئے عمرہ سیزن کا آغاز کرتے ہوئے ای ویزے کا اجرا شروع کر دیا ہے۔اس سہولت کا مقصد زائرین کو فراہم کی جانے والی خدمات کے معیار کوبہتر بنانا اور سعودی عرب آمد کو آسان بنانا ہے۔
ریاض: سعودی عرب میں معاون سکریٹری عمرہ عبدالرحمن شمس نے کہا ہے کہ ’سعودی وزارت حج و عمرہ نے عمرہ زائرین کے لیے کئی چینلز قائم کئے ہیں جن کے ذریعہ وہ عمرہ اور مسجد نبویؐ کی زیارت کرسکتے ہیں‘۔
العربیہ چینل سے گفتگو کرتے ہوئے انہوں نے کہا کہ ’عمرہ زائرین براہ راست سعودی عمرہ کمپنی سے پیکیج حاصل کرسکتے ہیں۔ عمرہ زائرین کو نسک ایپ کے ذریعہ عمرہ کی ادائیگی کی تاریخ اور وقت بک کرنے کی سہولت بھی دی گئی ہے‘۔
عبدالرحمن شمس نے بیرون مملکت سے آنے والے عمرہ زائرین سے کہا ہے کہ وہ تمام دستیاب چینلز میں سے کسی سے استفادہ کرسکتے ہیں، کسی ایک کے پابند نہیں ہیں‘۔
واضح رہے کہ سعودی وزارت حج و عمرہ نے نئے عمرہ سیزن کا آغاز کرتے ہوئے ای ویزے کا اجرا شروع کر دیا ہے۔اس سہولت کا مقصد زائرین کو فراہم کی جانے والی خدمات کے معیار کوبہتر بنانا اور سعودی عرب آمد کو آسان بنانا ہے۔
ایس پی اے کے مطابق وزارت حج و عمرہ نے بیان میں کہا تھا کہ عمرہ ای ویزے کے لیے نسک پلیٹ فارمttps://www.nusuk.sa/ar/about h پر درخواست دی جا سکتی ہے۔
’نسک پلیٹ فارم کے ذریعے کارروائی مشکل نہیں۔ دنیا بھر کے مسلمان مکہ مکرمہ اور مدینہ منورہ آنے کے لیے اس پلیٹ فارم کے ذریعے ای عمرہ ویزا جاری کراسکتے ہیں‘۔
’نسک پلیٹ فارم کی مدد سے رہائش اور ٹرانسپورٹ کی سہولت حسب مرضی حاصل کی جاسکتی ہیں‘۔ وزارت کا کہنا تھا کہ ’نسک پلیٹ فارم کے ذریعے متعدد زبانوں میں مطلوبہ اہم معلومات حاصل کی جاسکتی ہیں اور یہ سہولت چوبیس گھنٹے دستیاب ہے‘۔
