منی پور تشدد اورظلم و بربریت کی شدید مذمت: محمد مشتاق ملک

حیدرآباد : منی پور تشدد اور کوکی گروپ پر ظلم و بربریت کی شدید مذمت کرتے ہوئے تحریک مسلم شبان کے پریس نوٹ میں کہا گیا کہ صدر تحریک مسلم شبان جناب محمد مشتاق ملک نے عورتوں کو برہنہ گشت کروانا اور عصمتوں کو لوٹنا ایک پاک معاشرہ میں ناقابل برداشت ہے۔

جناب مشتاق ملک نے کہا کہ سوشیل میڈیا کہ زمانے میں 4 مئی کے واقعات اور انسانیت کو شرمسار کرنے کی حرکتیں جولائی میں آرہی ہیں۔ غور کرنے والی بات ہے 2002ء میں گجرات فسادات میں کیا کچھ ان درندوں نے نہیں کیا ہوگا۔

صرف ایک بلقیس بانو یا پھر منی پور کی 3خواتین نہیں بلکہ سینکڑوں عورتوں کو ان درندوں نے نشانہ بنایا ہوگا۔ جناب مشتاق ملک نے افسوس ظاہر کیا کہ کارگل جنگ کے صوبیدار، مجاہدین جنگ آزادی کے خاندان بھی مذہب کی نفرت کی آگ کی نذر ہوگئے۔

وزیر اعظم ہند کا سب کا وکاس نعرہ یہی ہے۔ بستیاں جلائی جائیں، عصمت لوٹی جائے اور پولیس تماشا دیکھتی رہی۔ گھروں، کاروبار کو اجاڑنا، مقدمات میں پھنسانا آر ایس ایس اور بی جے پی کا ایجنڈہ رہا ہے۔

انہوں نے حکومت سے مطالبہ کیا کہ وزیر داخلہ امیت شاہ اور منی پور کے چیف منسٹر کوفوری برخواست کیا جائے۔ جمہوریت کی آبرو انصاف میں چھپی ہوتی ہے۔ ملک کے عوام کو بیدار ہونا چاہئے۔