ٹرک کے پیچھے لٹک کر سفر کرنے والی برقع پوش خاتون کی ویڈیو وائرل

ریاض: سعودی عرب کے شہر میں ٹرک کے پچھلے حصہ سے لٹک کرسفر کرنے والی خاتون کی ویڈیو سوشل میڈیا پر وائرل ہوگئی۔ سعودی دارالحکومت ریاض میں میں ایک عجیب و غریب ویڈیو وائرل ہو رہی ہے جس میں ایک خاتون کو ایک ٹرانسپورٹ گاڑی کے پچھلے دروازے سے لٹکتے ہوئے دکھایا گیا ہے۔

سوشل میڈیا پر وائرل ہونے والی اس ویڈیو  پر لوگ حیرت کا اظہار کررہے، خاتون شہر کے مرکزی تجارتی علاقہ میں تیز رفتار ٹریک سے گزرنے والے ٹرک کے  پچھلے حصے کے دروازے کو پکڑے ہوئے کھڑی ہے۔ ٹرک ڈرائیور نے ایک پیڈسٹرین برج پر گاڑی روکی  تو خاتون تیزی سے اتر کر اپنی منزل کی جانب روانہ ہوگئی۔

وائرل ویڈیو پر ایک خاتون نے اپنے ردعمل میں کہا کہ ’ٹرک کے  پچھلے حصے کے دروازے کو پکڑ کر سفر کرنے والی خاتون کا تعلق انڈونیشیا کی ہے‘, ایک اور صارف کا کہنا تھا کہ ’خدانخواستہ اس کا ہاتھ اگر پھسل جاتا اور وہ گرتی تو بڑا حادثہ ہوسکتا تھا۔