اجیت پوار کی این سی پی کا ایکس ہینڈل ”معطل“

ممبئی: ڈپٹی چیف منسٹر اجیت پوار زیرقیادت این سی پی کا ایکس (سابق ٹوئٹر) ہینڈل 15دنوں کے لیے معطل کردیا گیا۔پارٹی قائدین نے یہ الزام عائد کیا۔

ایکس پر ایک نوٹیفکیشن میں کہا گیا کہ @ncpspeaks1 اکاؤنٹ قواعد کی خلاف ورزی پر معطل کردیا گیا حالانکہ تفصیلات نہیں بتائی گئیں۔

شردپوار کی زیرقیادت این سی پی نے اپنے آفیشیل ایکس اکاؤنٹ (@ncpspeaks) پر مبینہ طور پر شکایت کی تھی کہ علاحدہ گروپ کا ایکس اکاؤنٹ اس کے آفیشیل اکاؤنٹ سے مماثلت رکھتا ہے۔

تاہم اجیت پوار زیرقیادت این سی پی کے ذرائع نے دعویٰ کیا کہ ایکس اکاؤنٹ چہارشنبہ کو بحال ہونے کا امکان ہے۔