حکومت، اپوزیشن کی آواز دبانے کی سیاست میں ملوث: پرینکا گاندھی

نئی دہلی: کانگریس قائد پرینکا گاندھی وڈرا نے ہفتہ کے دن الزام عائد کیا کہ بی جے پی حکومت‘ اپوزیشن کی آواز کو ”دبانے“ کی سیاست کررہی ہے۔

انہوں نے دعویٰ کیا کہ ڈپٹی چیف منسٹر بہار تیجسوی یادو کے خلاف تحقیقاتی ایجنسیوں کی کارروائی اسی کا حصہ ہے۔

پرینکا گاندھی نے ہندی میں ٹویٹ کرکے پوچھا کہ بی جے پی حکومت ان اپوزیشن قائدین سے اتنی خوفزدہ کیوں ہے جو کھل کر بولتے ہیں۔