سدارامیا نے اپنے قافلے کے لیے صفر ٹرافک کا پروٹوکول ختم کردیا

بنگلورو: چیف منسٹر سدارامیا نے اپنے قافلے کے لیے زیروٹریفک پروٹوکول کا خاتمہ کردیا۔ ان کے اس اقدام کی پارٹی وابستگیوں سے بالاتر ہر کوئی ستائش کررہا ہے۔

انہوں نے ٹوئٹ کے ذریعہ اس فیصلے کا اعلان کیا۔ اپنے ٹوئٹ میں انہوں نے کہا کہ میں نے بنگلورو شہر کے پولیس کمشنر کو میری گاڑیوں کے قافلے کے لیے ”صفر ٹریفک“ پروٹوکول سے دستبرداری اختیار کرنے کہا۔

میں نے یہ فیصلہ عوام کو درپیش مشکلات کومدنظر رکھ کر کیا۔ان کے ٹوئٹ کو آئی این سی کی قومی ٹیم سمیت بڑے پیمانے پر ری ٹوئٹ کیا۔

ٹوئٹر پر ان کے کئی حامیوں نے ان کے فیصلے کی یہ کہتے ہوئے ستائش کی کہ اس سے ان کی نقل و حرکت کے دوران ٹریفک جام کا خاتمہ ہوگا۔