سریش رائنا نے نیدرلینڈز میں ریسٹورنٹ کھول لیا
ہندوستانی ٹیم کے سابق کرکٹر آئی پی ایل میں چینائی سوپر کنگز کی نمائندگی کرنے والے سریش رائنا نے نیدرلینڈز کے دارالحکومت ایمسٹر ڈیم میں ریسٹورنٹ کھول لیا۔
ایمسٹرڈیم: ہندوستانی ٹیم کے سابق کرکٹر آئی پی ایل میں چینائی سوپر کنگز کی نمائندگی کرنے والے سریش رائنا نے نیدرلینڈز کے دارالحکومت ایمسٹر ڈیم میں ریسٹورنٹ کھول لیا۔
سابق کرکٹر نے سماجی رابطے کی سائٹ ٹوئٹر پر ٹوئٹ کرتے ہوئے اپنے پیغام میں لکھاکہ میں ایمسٹرڈیم میں رائنا انڈین ریسٹورنٹ کو متعارف کراتے ہوئے پرجوش ہوں، ریسٹورنٹ میں صارفین کو ہندوستانی کھانوں کا مستند ذائقہ فراہم کیا جائے گا۔
I am absolutely ecstatic to introduce Raina Indian Restaurant in Amsterdam, where my passion for food and cooking takes center stage! 🍽️ Over the years, you've seen my love for food and witnessed my culinary adventures, and now, I am on a mission to bring the most authentic and… pic.twitter.com/u5lGdZfcT4
— Suresh Raina(@ImRaina) June 23, 2023
سریش رائنا نے ٹوئٹر پر کھانے پکانے کی اپنی تصاویر بھی شیئر کیں اور لکھاکہ کھانے اور کھانا پکانے کا میرا جذبہ مرکزی حیثیت رکھتا ہے، میں ہندوستانی کھانوں کو یوروپ تک پہنچانے میں اہم کردار ادا کرنے کی کوشش کروں گا۔
سابق کرکٹر خود کھانے کے شوقین ہونے کے علاوہ اکثر گھر میں کھانا پکاتے ہوئے اپنی تصویریں شیئر کرچکے ہیں۔
ہندوستان کی نمائندگی کرتے ہوئے سریش رائنا نے 18 ٹسٹ، 226 ونڈے اور 78 ٹی20 انٹرنیشنل میاچس کھیل رکھے ہیں جس میں انہیں نے 7 ہزار سے زائد رنز بنانے کا اعزاز بھی حاصل ہے۔ رائنا نے آئی پی ایل میں 205 میچ کھیلے ہیں اور ناقابل شکست سنچری سمیت 5 ہزار 500 سے زیادہ رنز بنائے۔
