تلنگانہ

کانگریس کی دوسری فہرست کی اجرائی میں تاخیر آج اعلان متوقع۔ ٹکٹ کے خواہشمندوں میں بے چینی

جیسے جیسے انتخابات قریب آرہے ہیں اور پرچہ نامزدگی کے لئے صرف 7 دن باقی ہیں۔ کانگریس ٹکٹ کے دعویداروں کی بے چینی میں اضافہ ہورہا ہے۔

حیدرآباد: جیسے جیسے انتخابات قریب آرہے ہیں اور پرچہ نامزدگی کے لئے صرف 7 دن باقی ہیں۔ کانگریس ٹکٹ کے دعویداروں کی بے چینی میں اضافہ ہورہا ہے۔

متعلقہ خبریں
رئیل اسٹیٹ ونچرکی آڑ میں چلکور کی قطب شاہی مسجد کو شہید کردیاگیا: حافظ پیر شبیر احمد
جمعہ کی نماز اسلام کی اجتماعیت کا عظیم الشان اظہار ہے: مولانا حافظ پیر شبیر احمد
تلنگانہ انتخابات: ووٹ دینے کے لیے آنے والے دو افراد کی موت
تلنگانہ میں کانگریس کو 10 نشستیں ملیں گی، چیف منسٹر پرامید
حیدرآباد دونوں ریاستوں کا مشترکہ دارالحکومت نہیں رہا

کانگریس الیکشن کمیٹی کا اجلاس جو آج منعقد ہونے والا تھا بتایا گیا ہے کہ کل تک ملتوی کردیا گیا ہے۔ اجلاس 27 اکتوبر کی صبح 9:30 بجے منعقد ہوگا۔

اس دوران تمام تلنگانہ اسکریننگ کمیٹی کا اجلاس آج شام چیرمین مرلیدھرن کی صدارت میں نئی دہلی میں منعقد ہوا۔ اجلاس میں متنازعہ حلقوں پر دوبارہ غور کیا گیا جہاں ایک سے زائد طاقتور امیدوار ٹکٹ کے لئے ایڑی چوٹی کا زور لگارہے ہیں۔

اس دوران ٹکٹ کے دعویداروں میں ناموں کے اعلان میں تاخیر کی وجہ سے ذہنی تناؤ بڑھتا جارہا ہے۔ ان کا کہنا ہے کہ جیسے جیسے انتخابات قریب آرہے ہیں انہیں انتخابی مہم چلانے کے لئے بہت کم وقت رہ جائے گا جبکہ ٹی آر ایس اور دوسری پارٹیوں کی جانب سے امیدواروں کے نام کا اعلان کردیا گیا ہے اور وہ اپنے اپنے حلقوں میں انتخابی مہم میں مصروف ہوچکے ہیں۔

مزید یہ تمام پارٹیوں سے اس مرتبہ بی سی طبقہ کو زیادہ ٹکٹ دیئے ہیں۔ چنانچہ کانگریس الیکشن کمیٹی بی سی طبقہ کو زائد ٹکٹ دینے پر غور کررہی ہے۔

18 حلقے ایسے ہیں جہاں بی سی دعویدار ٹکٹ مانگ رہے ہیں۔ جن میں مکتھل‘ نرساپور‘ ایل بی نگر‘ پرکالا‘ دیور کدرا‘ نارائن کھیڑ‘ ورنگل‘ شیر لنگم پلی‘ حسن آباد‘ محبوب نگر‘ پٹن چیرو‘ مدھول‘ جڑچرلہ‘ راجندر نگر‘ عادل آباد‘ سوریا پیٹ‘ بھونگیر شامل ہیں۔

بتایا گیا ہے کہ صدر اے آئی سی سی ملکارجن کھرگے کی صدارت میں مرکزی الیکشن کمیٹی نے 50 امیدواروں کے ناموں کو قطعیت دے دی ہے اور یہ فہرست کبھی  بھی جاری ہوسکتی ہے۔ ماباقی حلقوں میں 4 حلقہ کمیونسٹ جماعتوں کو دینے کا فیصلہ کیا گیا ہے۔

a3w
a3w