سنجے راوت کی ای ڈی حراست میں 8 اگست تک توسیع
قابل ذکر ہے کہ ای ڈی نے شیوسینا کے رکن پارلیمنٹ راوت کو اتوار (31 جولائی) کو منی لانڈرنگ کی روک تھام کے قانون کے تحت ان کی رہائش گاہ پر نو گھنٹے سے زیادہ پوچھ گچھ کے بعد حراست میں لے لیا تھا۔
ممبئی : ممبئی میں منی لانڈرنگ کی روک تھام کے قانون (پی ایم ایل اے) کے تحت ایک خصوصی عدالت نے جمعرات کو شیوسینا کے رکن پارلیمنٹ سنجے راوت کی منی لانڈرنگ پترا چاول اراضی معاملے میں انفورسمنٹ ڈائریکٹوریٹ (ای ڈی) کی تحویل میں 8 اگست تک توسیع کر دی۔
پریوینشن آف منی لانڈرنگ ایکٹ (پی ایم ایل اے) عدالت نے پیر (یکم اگست) کو شیوسینا کے رکن پارلیمنٹ کو انفورسمنٹ ڈائریکٹوریٹ (ای ڈی) کی تحویل میں بھیج دیا ۔ قبل ازیں ای ڈی کے اسپیشل پبلک پراسیکیوٹر ہیتن وینیگاونکر نے یکم اگست کو راوت کی آٹھ دن کی تحویل کی درخواست کی تھی۔
قابل ذکر ہے کہ ای ڈی نے شیوسینا کے رکن پارلیمنٹ راوت کو اتوار (31 جولائی) کو منی لانڈرنگ کی روک تھام کے قانون کے تحت ان کی رہائش گاہ پر نو گھنٹے سے زیادہ پوچھ گچھ کے بعد حراست میں لے لیا تھا۔
بعد میں انہیں ای ڈی کے دفتر لے جایا گیا۔ جہاں ان سے پیر کو سات گھنٹے سے زیادہ پوچھ گچھ کی گئی۔آج خصوصی پی ایم ایل اے عدالت میں سماعت کے دوران مسٹر راوت کی ای ڈی تحویل میں 8 اگست تک توسیع کر دی گئی۔
