مسجدالحرام میں بارش میں طواف کے ایمان افروز مناظر

مکہ معظمہ: سعودی عرب میں المسجد الحرام مکہ مکرمہ میں پیر کو عمرہ زائرین بارش کے دوران طواف اور عبادت کرتے رہے۔ صحن حرم میں دل موہ لینے والے ایمان افروز مناظر دیکھنے میں آئے۔

حرمین شریفین انتظامیہ نے مسجد الحرام کی خدمت پر مامور متعدد سرکاری اداروں کے تعاون سے المسجد الحرام میں بارش کے مسائل سے نمٹنے کے لیے ہنگامی سکیموں پر عمل درآمد شروع کر رکھا ہے۔

حرمین شریفین انتظامیہ کی کوشش ہے کہ عبادت کے دوران زائرین کی سلامتی کو یقینی بنایا جائے۔

انتظامیہ 200 سے زیادہ نگرانوں، چار ہزار کارکنان اور 500 سے زیادہ مشینوں کے ذریعے بارش کے دوران پیش آنے والے مسائل سے نمٹ رہی ہے۔

بارش کے دوران مطاف، نماز کے مقامات، داخلی راستوں پر فوری طور پر پانی کی نکاسی اور فرش خشک کیے جانے کو یقینی بنایا جا رہا ہے۔