حیدرآباد: کارالٹ گئی۔ ڈرائیورشدید زخمی ہوگیا

حیدرآباد: شہرحیدرآباد کے علاقہ بیگم پیٹ میں کارالٹ گئی جس کے نتیجہ میں کارچلانے والا شخص شدید زخمی ہوگیا۔

یہ حادثہ ہفتہ کی صبح کی اولین ساعتوں میں پیش آیا۔پولیس نے بتایا کہ یہ تیزرفتار کار،بیگم پیٹ سے پنجہ گٹہ کی سمت جارہی تھی کہ اس کو چلانے والے نے اس کا توازن کھودیااور یہ کارالٹ گئی۔

اس حادثہ کے ساتھ ہی سڑک سے گذرنے والے افراد وہاں پہنچ گئے جنہوں نے کار سے زخمی شخص کو نکالتے ہوئے اس کی اسپتال منتقلی کو یقینی بنایا۔