ویڈیو: ایک کیلو ہیروئن ضبط، مادھوپور پولیس نے راجستھان کے 4 افراد گرفتار کرلیا

حیدرآباد: سائبرآباد اسپیشل آپریشن ٹیم شمس آباد اور مادھاپور پولیس نے راجستھان کے 4 افراد کو گرفتار کرتے ہوئے ان کے قبضہ سے ایک کیلو ہیروئن اور 4 سیل فونس ضبط کرلیا جن کی مالیت 7 کروڑ 40 ہزارروپئے بتائی گئی ہے۔

سائبرآباد کمشنر اویناش موہنتی نے پریس کانفرنس میں انکشاف کیا کہ ریاست راجستھان کا نیم چند بھٹی،نرپت سنگھ، اجئے بھٹی اور ہریش سیروی کو گرفتار کرلیا گیا اور ان کے قبضہ سے ایک کیلو ہیروئن ضبط کرلی۔

یہ ٹولی حیدرآباد میں بھاری منافع پر ہیروئن کو فروخت کرنے کے منصوبہ کے تحت آئے ہوئے تھے۔

خفیہ اطلاع پر پولیس نے دھاوا کرکے ملزمین کو گرفتار کرلیا۔ اس سے قبل راجستھان جودھپور پولیس نے انہیں گرفتار کیا تھا۔