یو پی آئی ایپس کی خرابی۔ حیدرآباد میٹرو کے مسافروں کو شدید مشکلات

حیدرآباد: یو پی آئی ادائیگی ایپس کی خرابی کے سبب گزشتہ رات حیدرآباد میٹرو کے مسافروں کو شدید مشکلات کا سامنا کرنا پڑا۔

کئی مسافر آن لائن ادائیگی نہ کر پانے کے باعث پریشان ہوگئے کیونکہ میٹرو عملے نے ان سے ٹکٹ کے لیے دوبارہ ادائیگی کا مطالبہ کیا۔

یہ صورتحال جے بی ایس پریڈ گراؤنڈ اسٹیشن پر شدت اختیار کر گئی، جہاں عملے اور مسافروں کے درمیان تلخ کلامی بھی دیکھنے میں آئی۔

چند منٹوں کی کشیدگی کے بعد میٹرو انتظامیہ نے تمام مسافروں کو بغیر کسی اضافی ادائیگی کے سفر کی اجازت دے دی۔

اس واقعے کے بعد کئی افرادنے نقدی کی اہمیت کو محسوس کرتے ہوئے کہا کہ نقدی کی قیمت آج سمجھ میں آئی۔