پاکستان میں سیکیورٹی فورسز کا بڑا آپریشن، 10 شدت پسند ہلاک

اسلام آباد: پاکستان کے صوبہ خیبر پختونخوا کے شمال مغربی ضلع ٹانک میں واقع سکیورٹی پوسٹ پر حملے میں دس دہشت گرد مارے گئے۔ یہ اطلاع پاکستانی فوج کے میڈیا ونگ انٹر سروسز پبلک ریلیشنز (آئی ایس پی آر) کی جانب سے جاری کردہ بیان میں دی گئی۔

آئی ایس پی آر کے بیان میں کہا گیا ہے کہ سکیورٹی فورسز نے چیک پوسٹ پر دراندازی کی کوشش کو مؤثر طریقے سے ناکام بنایا جس کے نتیجے میں دہشت گردوں کی بارود سے بھری گاڑی دیوار سے ٹکرا گئی۔

بیان میں کہا گیا کہ دہشت گردوں کا مؤثر طریقے سے مقابلہ کیا گیا اور فائرنگ کے شدید تبادلے کے بعد خودکش بمبار سمیت تمام 10 دہشت گرد چوکی کی دیوار کے باہر مارے گئے۔

علاقے میں دہشت گردوں کے خاتمے کے لیے بڑے پیمانے پر آپریشن کیا جا رہا ہے۔

فوج نے کہا کہ پاکستان کی سکیورٹی فورسز ملک سے دہشت گردی کے خطرے کو ختم کرنے کے لیے پرعزم ہیں۔