مودی کے دورہ سے قبل آسٹریلیا میں ایک اور مندر میں توڑپھوڑ
آسٹریلیا میں خالصتانی سرگرمیوں میں تقریباً 2 ماہ کے تعطل کے بعد یہ واقعہ پیش آیا۔ مارچ میں برسبین کے لکشمی نارائن مندر کے احاطہ کی دیوار کو نقصان پہنچایا گیا تھا۔ جنوری میں ملبورن میں 3 مندروں پر مخالف ہند اور موافق بھنڈران والے نعرے خالصتان نواز نے لکھے تھے۔
ملبو رن: وزیراعظم نریندر مودی کے دورہ (23 مئی) سے چند ہفتے قبل آسٹریلیا میں ایک ہندو مندر میں توڑپھوڑ کی گئی۔ مغربی سڈنی کے مضافات روزہل میں جمعہ کی صبح بی اے پی ایس سوامی نارائن مندر کی بیرونی دیوار پر اسپرے پینٹ سے ”ڈکلیر مودی ٹیررسٹ“ (مودی کو دہشت گرد قراردو) لکھا گیا۔ دی آسٹریلیا ٹوڈے نے یہ اطلاع دی۔
روزانہ مندر آنے والی سیجل پٹیل نے کہا کہ میں صبح جب پوجا کے لئے مندر پہنچی تو میں نے فرنٹ وال پر بیہودہ تحریر دیکھی۔ مندر کے ذمہ داروں کو گیٹ پر ایک خالصتانی پرچم ٹنگا ملا۔ نیو ساؤتھ ویلس پولیس کو اطلاع دی گئی۔ پولیس عہدیدار مندر پہنچے اور انہیں حملہ کا سی سی ٹی وی فوٹیج دے دیا گیا۔
آسٹریلیا میں خالصتانی سرگرمیوں میں تقریباً 2 ماہ کے تعطل کے بعد یہ واقعہ پیش آیا۔ مارچ میں برسبین کے لکشمی نارائن مندر کے احاطہ کی دیوار کو نقصان پہنچایا گیا تھا۔ جنوری میں ملبورن میں 3 مندروں پر مخالف ہند اور موافق بھنڈران والے نعرے خالصتان نواز نے لکھے تھے۔ مندر کے پجاریوں کو دھمکایا گیا تھا کہ وہ خالصتان زندہ باد کے نعرے لگائیں۔
