قتل کی واردات کے 18 ماہ بعد لاش کو قبر سے نکال کرپوسٹ مارٹم کروایاگیا۔بیٹا اور بیٹی گرفتار

حیدرآباد: تلنگانہ کے میدک ضلع میں 18ماہ پہلے پیش آئی قتل کی واردات کے سلسلہ میں لاش کو قبر سے نکال کر پوسٹ مارٹم کے بعد مقتول کی بیٹی اوربیٹے کو پولیس نے گرفتار کرلیا۔

تفصیلات کے مطابق ضلع کے اننت ساگرگاوں کے رہنے والے کشٹیا نامی شخص کی 16جولائی 2022کو موت ہوئی تھی تاہم 18ماہ بعد نامعلوم افراد نے میدک ضلع ایس پی بالاسوامی کو کشٹیا کی موت پر شبہات ظاہر کرتے ہوئے شکایت کی۔

ایس پی کی ہدایت پر پولیس نے مکمل جانچ شروع کی۔پولیس نے کشٹیا کی لاش کو قبر سے نکال کر اس کا دوبارہ پوسٹ مارٹم کروایا۔

قتل کے سلسلہ میں بیٹے سوامی، بڑی بیٹی رینوکا کو پولیس نے گرفتارکرلیا۔اس معاملہ کے ایک اور ملزم داماد اشوک کے اصل منصوبہ ساز ہونے کا پتہ چلا۔

اس نے قبل ازیں خودکشی کرلی تھی۔پولیس نے بتایا کہ مقتول کی تین ایکڑاراضی تھی۔اراضی کے مسئلہ پر ہوئے جھگڑے کے بعد اس کا قتل کیاگیا تھا۔