تلنگانہ انتخابات، حیدرآباد میں 2 دن تعطیل کا اعلان

حیدرآباد: تلنگانہ اسمبلی انتخابات کے پیش نظر حیدرآباد کے تمام اسکول اور دیگر تعلیمی ادارے 29 اور 30 نومبر کو بند رہیں گے۔ حیدرآبادضلع کلکٹر نے اس بات کا اعلان کیا ہے۔

اس سے قبل حکومت نے ریاست میں آئندہ اسمبلی انتخابات کی وجہ سے تلنگانہ کے تمام ملازمین اور ورکرس کے لئے 30 نومبر کو عام تعطیل کا اعلان کیا تھا۔

اسی دوران والدین کو حیدرآباد کے اسکولوں سے نوٹس بھی موصول ہوئے ہیں جس میں بتایا گیا ہے کہ تلنگانہ اسمبلی انتخابات کی وجہ سے تعلیمی ادارے چہارشنبہ اور جمعرات کو بند رہیں گے۔

ایک اسکول کے نوٹس میں لکھا ہے، تمام طلباء کو مطلع کیا جاتا ہے کہ 29 اور 30 نومبر 2023 کو اسمبلی انتخابات 2023 کی وجہ سے دو دن تعطیلات کا اعلان کیا گیا ہے۔

دریں اثنا ریاست میں 30 نومبر کو ہونے والی پولنگ کی تیاریاں زوروشور سے جاری ہیں۔ ووٹوں کی گنتی اتوار کو مقرر ہے۔