تلنگانہ کے ضلع میدک کے سردھنا گاؤں میں 328 ملی میٹر بارش ریکارڈ

حیدرآباد: تلنگانہ کے میدک ضلع میں گزشتہ 24 گھنٹوں کے دوران ریکارڈ توڑ بارش ہوئی جس کے باعث آبی ذخائر کی سطح میں غیرمعمولی اضافہ درج کیاگیا۔

حویلی گھن پور منڈل کے سردھنا گاؤں میں جمعرات کی صبح 8 بجے تک سب سے زیادہ 328 ملی میٹر بارش ریکارڈ کی گئی۔

اس کے قریب واقع ناگاپور میں 284 ملی میٹر، چیگونٹہ میں 248 ملی میٹر، رامایم پیٹ اور میدک آر ڈی او آفس میں 213 ملی میٹر اور راج پلی میں 200 ملی میٹر بارش ریکارڈ کی گئی۔

شدید بارش کے نتیجہ میں پوچارم ڈیم میں زبردست پانی کا بہاؤ داخل ہوا۔ پانی کی سطح خطرناک حد تک بڑھنے پر عہدیداروں نے سردھنا کے مکینوں کو محفوظ مقام منتقل کرتے ہوئے مقامی رعیتو ویدیکا میں پناہ دلوائی۔