350 مسلم رام بھکت‘پیدل چل کرایودھیا پہنچے (ویڈیو وائرل)

ایودھیا: لکھنو سے 6 روزہ پدیاترا مکمل کرتے ہوئے 350 مسلمان بھکت ایودھیا پہنچے اور انہوں نے رام مندر میں ماتھا ٹیکا۔ آرایس ایس کی مسلم تنظیم مسلم راشٹریہ منچ(ایم آرایم) کی قیادت میں اس گروپ نے 25جنوری کو لکھنو سے اپنا سفرشروع کیاتھا۔

 میڈیا انچارج ایم آرایم شاہدسعید نے چہارشنبہ کے دن یہ بات بتائی۔ جئے سری رام کے نعرے لگاتا 350 مسلم بھکتوں کا گروپ کڑاکے کی سردی میں تقریباً150کلومیٹر کی مسافت پیدل طئے کرکے منگل کے دن ایودھیا پہنچا۔ یہ گروپ ہر25کلومیٹر کے بعد رات میں آرام کرتا تھا اور دوسرے دن صبح سے پھر سفرشروع کرتا تھا۔

 6 دن کے بعد مسلمان رام بھکت‘کٹے پھٹے جوتوں اور بوجھل قدموں کے ساتھ ایودھیا پہنچا۔ اس نے بھگوان رام کے نئے مندر کے درشن کئے۔ درشن کے بعد ایم آرایم کنوینرراجہ رئیس اور صوبائی کوآرڈینیٹرشیرعلی خان نے جنہوں نے گروپ کی قیادت کی کہا کہ بھگوان رام ہم سب کے پُرکھے ہیں۔ انہوں نے زوردیاکہ ملک کی محبت اور انسانیت کو مذہب‘ذات پات اورنسل پر ترجیح دینی چاہئیے۔