جرائم و حادثاتحیدرآباد
حیدرآباد میں دیوالی کے دوران آتشزدگی کا تیسرا واقعہ، گودام آگ کی زد میں
حیدرآباد کے اڈم گڈہ میں دیوالی کی تقریبات کے دوران ایونٹ کے سامان کے گودام میں آگ لگ گئی۔ شہر میں ایک ہی دن کے دوران آتشزدگی کا یہ تیسرا واقعہ بتایا جا رہا ہے۔
حیدرآباد: شہر کے میلاردیوپلی پولیس اسٹیشن حدود میں دیوالی کی تقریبات کے دوران آتشزدگی کا ایک اور واقعہ پیش آیا۔ اوڈم گڈہ میں واقع ایونٹ کے سامان کے گودام میں اچانک آگ بھڑک اٹھی۔
ابتدائی اطلاعات کے مطابق دیوالی کے موقع پر پٹاخے پھوڑے جانے کے دوران آتش بازی کا ایک شعلہ اڑ کر گودام میں جا گرا، جس کے نتیجہ میں وہاں آگ لگ گئی۔ دیکھتے ہی دیکھتے آگ نے شدت اختیار کرلی اور علاقہ میں تشویش پھیل گئی۔
واقعہ کی اطلاع ملتے ہی فائر بریگیڈ کا عملہ اور پولیس اہلکار موقع پر پہنچ گئے۔ مقامی افراد نے بھی آگ بجھانے کی کوششوں میں حصہ لیا۔
قابل ذکر ہے کہ اتوار کے روز حیدرآباد میں آتشزدگی کا یہ تیسرا واقعہ بتایا جا رہا ہے۔
نوٹ: آگ لگنے کی وجوہات اور نقصان کی تفصیلات سے متعلق مزید معلومات کا انتظار ہے۔
ہمیں فالو کریں
