کمپیوٹر خرابی‘ امریکہ میں  400 پروازیں منسوخ

نیویارک: فیڈرل ایوی ایشن اڈمنسٹریشن (ایف اے اے) میں کمپیوٹر خرابی کے باعث امریکہ میں سینکڑوں پروازیں اڑان نہیں بھرسکیں۔ امریکی میڈیا کی خبروں میں چہارشنبہ کے دن یہ بات بتائی گئی۔ ایف اے اے کا نوٹام (نوٹس ٹو ایر مشنس) سسٹم میں خرابی کے نتیجہ میں کمپیوٹر آؤٹیج ہوا۔

فاکس نیوز نے یہ اطلاع دی۔ ایف اے اے نے ایرکرافٹ گراؤنڈنگ کے لئے مجبور نہیں کیا لیکن بیشتر ایرلائنس نے ازخود فیصلہ کیا کہ اڑانیں روک دی جائیں۔ امریکہ بھر میں کوئی 400 پروازیں منسوخ ہوئیں۔

 ایف اے اے نے کہا کہ وہ نوٹس ٹو ایرمشنس سسٹم کی بحالی کی کوشش میں ہے۔ اس نے کہا کہ سسٹم کو ری لوڈ کیا جارہا ہے۔ نیشنل ایر اسپیس سسٹم میں آپریشن میں خلل پڑا ہے۔ اس نے ٹویٹ کرکے بتایا کہ ہم جیسے جیسے پیشرفت ہوگی اَپ ڈیٹ دیتے رہیں گے۔