میگھالیہ میں 5.1 شدت کا زلزلہ

شیلانگ: میگھالیہ اور شمال مشرقی ریاستوں کے دیگر علاقوں میں آج صبح 5.1 شدت کا زلزلہ محسوس کیا گیا، جس کے باعث لوگوں میں خوف و ہراس پھیل گیا۔

میگھالیہ کے دارالحکومت شیلانگ میں واقع نارتھ ایسٹ سیسمولوجیکل سینٹر کے مطابق، زلزلہ ہندستاسنی وقت کے مطابق صبح 04:17:40 پر آیا۔ اس کا مرکز عرضِ البلد 26.37 شمالی اور طولِ البلد 92.29 مشرقی پر واقع تھا، جبکہ اس کی گہرائی 50 کلومیٹر تھی۔ زلزلے کا مرکز آسام کے ضلع موری گاؤں میں بتایا گیا ہے۔

تاحال کسی جانی نقصان یا مالی خسارے کی کوئی اطلاع نہیں ملی ہے۔

ماہرینِ زلزلہ کے مطابق شمال مشرقی خطے کی سات ریاستیں ،آسام، میگھالیہ، میزورم، تریپورہ، ناگالینڈ، اروناچل پردیش اور منی پور دنیا کے چھٹے بڑے زلزلہ زدہ علاقوں میں شمار کی جاتی ہیں۔