6سالہ لڑکی پر حملہ اور ہلاک کرنے والے تیندوے کی نشاندہی

حیدرآباد: آندھراپردیش کے تروملا میں گذشتہ سال اگست میں 6سالہ لڑکی پر حملہ کرتے ہوئے اس کو ہلاک کرنے والے تیندوے کی نشاندہی کا کام محکمہ جنگلات کے عہدیداروں نے کیا۔اس لڑکی کی شناخت لکشتا کے طورپر کی گئی تھی۔

تروپتی کے الی پیری علاقہ میں اس جنگلی جانور نے لڑکی پر حملہ کیاتھا اورجنگلاتی علاقہ میں اس کو لے جاکر اسے ہلاک کردیا تھاجس کے بعد تروملاتروپتی دیواستھانم(ٹی ٹی ڈی) کے عہدیداروں نے جن چار تیندوں کو پکڑا تھاان میں سے اسے ایک قراردیاگیا تھا۔

لڑکی پر حملہ اور اس کو ہلاک کرنے کے واقعہ کے منظرعام پر آنے کے بعد جملہ 6تیندووں کو پکڑاگیا تھا۔ان کو تروپتی زوپارک منتقل کردیاگیاتھا۔لڑکی پر حملہ کا یہ واقعہ گذشتہ سال 11اگست کو پیش آیاتھا۔