برفانی تودہ گرنے سے 8 افراد ہلاک: کرونین زیتونگ

ویانا: آسٹریا کے سٹائریا اور سالزبرگ علاقوں میں برفانی تودے گرنے سے 8 افراد اپنی جان سے ہاتھ دھو بیٹھے ہیں۔ آسٹریا کے سب سے بڑے اخبار ‘کرونین زیتونگ’ نے یہ اطلاع دی۔

اخبار نے اس حادثہ کے بعد اس دن کو "بلیک سٹرڈے” قراردیتے ہوئے کہا کہ ہفتے کی دو پہر سٹائریا کے پسٹروالڈ علاقے میں برفانی تودہ گرنے سے تین افراد ہلاک ہو گئے۔ ہفتے کو ہی آسٹریائی براڈکاسٹر او آر ایف نے اطلاع دی کہ مغربی آسٹریا کے سالزبرگ علاقے میں دو برفانی تودے گرنے سے پانچ افراد ہلاک ہو گئے۔

او آر ایف کے مطابق پہلا برفانی تودہ دوپہر کے کچھ دیر بعد بیڈ ہوفگاسٹین کے علاقے میں 2,200 میٹر کی بلندی پر پیش آیا۔ ایک شخص کھلے پہاڑی علاقے میں دب گیا اور اس کی موت ہوگئی۔ دوسرے واقعے میں وادی گروسرل کے فنسٹرکوف علاقے میں کل سات افراد بہہ گئے۔ او آرایف کے مطابق، ان میں سے چار مردہ پائے گئے، جبکہ باقی تین زندہ بچ گئے۔