ایک اور فلائی اوور افتتاح کیلئے تیار

حیدرآباد: شہریان حیدرآباد کو ٹریفک کے مسائل سے چھٹکارادلانے کیلئے اسٹراٹیجک روڈ ڈیولپمنٹ پروگرام(ایس آرڈی پی) کے ذریعہ شروع کئی کام مکمل کیے جا رہے ہیں۔ اسی کے حصہ کے طورپر ایل بی نگر کی دائیں جانب ایک اور فلائی اوور مکمل ہو چکا ہے جو افتتاح کے لیے تیار ہے۔

اس فلائی اوور کا افتتاح وزیر بلدی نظم ونسق کے تارک راما راو کریں گے۔ ایس آرڈی پی کے ذریعہ شروع کئے گئے 47 کام اور گریٹرحیدرآباد میونسپل کارپوریشن(جی ایچ ایم سی) کے فنڈز سے شروع کردہ 32 کام مکمل ہوچکے ہیں۔

جی ایچ ایم سی نے 32 کروڑ روپے کی جملہ لاگت سے ایل بی نگر آر ایچ ایس پر فلائی اوورکے سیول ورکس، یوٹیلیٹی شفٹنگ اور اراضی کے حصول سمیت کاموں کو مکمل کیا ہے۔

اس فلائی اوور کے کھلنے سے پڑوسی ریاست اے پی کے ساتھ ساتھ تلنگانہ کے کھمم اور نلگنڈہ متحدہ اضلاع سے آنے والے افرادکے ساتھ ساتھ شہر میں رہنے والے حیات نگر کے راستے شہر کے دوسرے حصوں کو جا سکیں گے۔ یہ 700 میٹر لمبا اور 12 میٹر چوڑا فلائی اوور ایل بی نگر جنکشن پر ٹریفک کے مسائل سے بچنے میں مدد دے گا۔