حیدرآباد میں ونگس انڈیا۔2024 شوجاری
شہرحیدرآباد میں ونگس انڈیا۔2024 شوجاری ہے۔ بوئنگ، ایئر انڈیا اور دیگر طیاروں کو دیکھنے کیلئے عوام کی بڑی تعداد بیگم پیٹ ایرپورٹ پر دیکھی جارہی ہے۔
حیدرآباد: شہرحیدرآباد میں ونگس انڈیا۔2024 شوجاری ہے۔ بوئنگ، ایئر انڈیا اور دیگر طیاروں کو دیکھنے کیلئے عوام کی بڑی تعداد بیگم پیٹ ایرپورٹ پر دیکھی جارہی ہے۔
دو سال میں ایک مرتبہ منعقد کئے جانے والے اس شو کا موضوع”امرت کال میں ہندوستان کو دنیا کے ساتھ جوڑنا“ دیاگیا ہے۔
اس شو میں 100 سے زائد ممالک سے تقریباً 1500 مندوبین، تقریباً پانچ ہزار نمائندے اور ایک لاکھ سے زائد افرادشرکت کررہے ہیں۔ شو میں جدید ترین وائڈ باڈی بوئنگ ہوائی جہاز، 777-9 اور انجینئرنگ کا نیا معجزہ، ایئربس اے 350 پہلی بار دکھایا جارہا ہے۔شومیں انتہائی جدید قسم کے ایرکرافٹس، شہری ہوابازی کی خدمات، شعبہ سیاحت سے متعلقہ اسٹارٹ اپس کے اسٹالس بھی لگائے گئے ہیں۔
Witness the rotors carve the Hyderabad skies at @WingsIndia2024 in Begumpet
— Sarang Helicopter Display Team (@sarang_iaf) January 20, 2024
Display timings: 1100 hrs and 1500 hrs on 20th and 21st January 2024#Sarang #helicopter #pilot #WingsIndia2024 #Hyderabad #Begumpet #airshow #aviation #militaryaviation @IAF_MCC pic.twitter.com/NhcHEYC561
مرکزی وزارت شہری ہوابازی حکومت ہند، فیڈریشن آف انڈین چیمبر آف کامرس اینڈ انڈسٹری کے علاوہ تلنگانہ حکومت کے اشتراک سے یہ شو منعقد کیاجارہا ہے۔ ونگس انڈیا میں شہری ہوابازی اور متعلقہ شعبوں اور سیاحت کے شعبوں کے اسٹالس بھی لگائے گئے ہیں۔
عوام کی سہولت کے لئے ہدایت پر مبنی سائن بورڈس لگائے گئے ہیں۔ ونگس انڈیا 2024ء نمائش میں حکومتوں کو ٹراویل، ٹورازم اور متعلقہ شعبوں میں اپنی ترقیاتی سرگرمیوں کو پیش کرنے کا بہترین موقع حاصل ہوا ہے۔
