حیدرآباد

کانگریس ٹکٹ کے خواہشمندوں کا گاندھی بھون میں ہجوم۔ایک حلقہ سے کئی دعویدار

مجوزہ اسمبلی انتخابات میں کانگریس ٹکٹ کے خواہشمند امیدواروں کی کثیر تعداد نے گاندھی بھون میں اپنی درخواستیں داخل کی ہیں۔

حیدرآباد: مجوزہ اسمبلی انتخابات میں کانگریس ٹکٹ کے خواہشمند امیدواروں کی کثیر تعداد نے گاندھی بھون میں اپنی درخواستیں داخل کی ہیں۔

متعلقہ خبریں
ٹی پی سی سی کے نئے صدر کا انتخاب ہائی کمان کرے گی
ضلع مرکز میں 27 واں مفت سمر کراٹے کیمپ، طلباء کی صلاحیتوں کو نکھارنے کا سنہری موقع: چنہ ویرایا
جمعیتہ علماء ضلع نظام آباد کی مجلس منتظمہ کا اجلاس وممبر سازی مہم کا آغاز
اقلیتی طلبہ کے لیے UPSC امتحان کی مفت کوچنگ، درخواستوں کا آغاز
تلنگانہ میں آن لائن جوئے اور سٹے بازی میں خطرناک اضافہ، PRAHAR نے ریاست گیر سروے کا اعلان کر دیا

ایس سی، ایس ٹی کے لئے 25 ہزار اور جنرل زمرہ کے لئے 50 ہزار روپے فیس مقرر کی گئی ہے جو ناقابل واپسی ہے۔ آج ریاست کے مختلف اسمبلی حلقہ جات سے کانگریس ٹکٹ کے خواہشمند امیدواروں کے ہمراہ ان کے حامیوں کی کثیر تعداد دیکھی گئی۔

درخواستوں کی وصولی کے دوسرے دن آج تقریباً 30 امیدواروں نے ہی اپنی درخواستیں داخل کی ہیں۔ درخواستیں داخل کرنے کی آخری تاریخ 25 اگست مقرر کی گئی ہے۔

بتایا گیا ہے کہ ٹکٹ کے خواہشمند امیدوار مہورت اور اچھا دن دیکھ کر درخواست داخل کرتے ہیں۔ بتایا گیا ہے کہ پیر 21 اگست کو اچھا دن ہے۔ اس روز کثیر تعداد میں درخواستیں حاصل ہونے کی امید ہے۔

شہر کے 15 اسمبلی حلقہ سے بھی کانگریس ٹکٹ کے خواہشمند امیدوار درخواست فارم داخل کرنے کی تیاریاں کررہے ہیں۔

بالخصوص خیریت آباد، جوبلی ہلز، نامپلی، صنعت نگر، گوشہ محل، ملک پیٹ، بہادرپورہ، مشیرآباد اور سکندرآباد اسمبلی حلقہ جات سے کئی نامور قائدین ٹکٹ کے دعویداروں میں شامل ہیں۔ امیدواروں کے ناموں کا آئندہ ماہ کے آواخر میں اعلان متوقع ہے۔