تلنگانہ کے ضلع میدک میں ایک جوڑا زرعی باولی میں مردہ پایاگیا

حیدرآباد: تلنگانہ کے ضلع میدک کے نارسنگی گاوں میں ایک جوڑا زرعی باولی میں مردہ پایاگیا۔

یہ واقعہ جمعرات کی صبح کی اولین ساعتوں میں پیش آیا۔پولیس کے مطابق 34 سالہ ڈی ناگیش اور30 سالہ سواروپا کی خدمات ملازمین کے طورپر سرینواس ریڈی نامی کسان نے حاصل کی تھی۔

یہ دونوں کسان کے مویشیوں کو چروانے کا کام کرتے تھے۔

ان کی لاشیں جمعرات کی صبح ایک زرعی باولی میں پائی گئیں۔یہ ہنوزواضح نہیں ہوسکا کہ یہ خودکشی کامعاملہ ہے یا پھر کسی نے ان کا قتل کیا ہے۔

ان کی لاشوں کو پوسٹ مارٹم کے لئے سرکاری اسپتال میدک منتقل کردیاگیا۔

پولیس نے اس سلسلہ میں ایک معاملہ درج کرکے جانچ شروع کردی۔