کورٹلہ ڈپومیں ٹھہری آرٹی سی بس میں آگ بھڑک اٹھی

حیدرآباد: ضلع جگتیال میں اتوار کے روز بس ڈپو میں پارک‘ٹی ایس آرٹی سی کی ایک بس میں آگ بھڑک اٹھی۔ کورٹلہ بس ڈپو کے احاطہ میں راجدھانی بس میں اس وقت آگ بھڑک اٹھی جبکہ اسٹاف اس بس میں ڈیزل بھر چکا تھا۔

 آتشزدگی کے اس واقعہ میں کوئی جانی نقصان نہیں ہوا۔کورٹلہ۔حیدرآبادکے درمیان چلائی جانے والی یہ راجدھانی بس دوپہر کے وقت ڈپو پہونچی تھی۔ ڈپوعملہ نے بس میں فیول بھر دیا تھا اوریہ گاڑی فیول اسٹیشن کے بازو پارک تھی کہ اس میں اچانک آگ بھڑک اٹھی۔

 اطلاع ملنے پرآتش فروعملہ فوری ڈپوپہونچا اور آگ بجھادی جبکہ بس مکمل طورپر جل گئی۔ تاہم راحت کی بات یہ رہی کہ یہ آگ ڈیزل اسٹیشن تک نہیں پہونچ پائی بصورت دیگر بہت بڑا حادثہ پیش آتا۔حکام نے شعبہ ظاہر کیا کہ بیاٹری میں شارٹ سرکٹ کی وجہ سے یہ واقعہ پیش آیا۔