عدالت کو گمراہ کرنے پر ایک کروڑروپئے کا بھاری جرمانہ

حیدرآباد: تلنگانہ ہائی کورٹ کے جج ناگیش نے ایک اہم فیصلے میں ایک مقدمہ کے درخواست گزاروں پر عدالت کو گمراہ کرنے پر ایک کروڑروپئے کا جرمانہ عائد کیا۔

اس سلسلہ میں درخواست گزار پر بھاری جرمانہ عائد کرنے کے احکامات جاری کئے۔تفصیلات کے مطابق، سرکاری اراضیات سے متعلق ایک مقدمہ پہلے ہی ہائی کورٹ میں زیر التوا تھا، لیکن درخواست گزاروں نے اس حقیقت کو چھپاتے ہوئے ایک الگ بنچ سے معاملہ کو رجوع کیا۔

عدالت کو گمراہ کرنے اور اس کا وقت ضائع کرنے کی کوشش پر جج نے سخت ناراضگی کا اظہار کیا۔

جج نے فرضی رِٹ درخواست دائر کرکے سرکاری اراضیات ہتھیانے کی کوشش کرنے والے درخواست گزاروں پر ایک کروڑ روپے کا جرمانہ عائد کرنے کا فیصلہ سنایا۔