تلنگانہ کے ضلع پداپلی میں سڑک حادثہ۔دو نوجوان ہلاک

حیدرآباد: تلنگانہ کے ضلع پداپلی میں پیش آئے سڑک حادثہ میں دو نوجوان ہلاک ہوگئے۔

یہ حادثہ ضلع کے گوداوریکھنی کول بیلٹ ٹاؤن کے گنگا نگر کے قریب راجیو رہداری پر کل دیر رات دیر گئے اس وقت پیش آیا جب ایک نامعلوم گاڑی نے موٹر سائیکل کو ٹکر مار دی۔

اس موٹرسائیکل پر نوجوان سوار تھے۔ دونوں کی موقع پر ہی موت ہو گئی۔

اطلاع کے بعد پولیس موقع پر پہنچ گئی جس نے اس سلسلہ میں معاملہ درج کرکے جانچ شروع کردی۔ پولیس نے لاشوں کو پوسٹ مارٹم کے لیے اسپتال منتقل کردیا۔