محبت میں ناکامی پر ایک شخص نے خودکشی کرلی

حیدرآباد: محبت میں ناکامی پر ایک شخص نے خودکشی کرلی۔ یہ واقعہ آندھراپردیش کے ضلع وشاکھاپٹنم کے سیتم پیٹ میں پیش آیا۔

پولیس نے بتایا کہ کو ناسیما ضلع کا 30 سالہ پی رام پرساد وشاکھا پٹنم کے گنیش نگر، سیتم پیٹ میں ایک مکان میں کرائے پرمقیم تھا۔

وہ شنکرمٹھ میں ایک سافٹ ویئر کمپنی میں کام کر رہا تھا۔ اس نے منگل کی صبح گھر میں پنکھے سے لٹک کر خودکشی کرلی۔

پولیس نے اس کے دوست سے ملی اطلاع کے بعد مقام واقعہ کا معائنہ کیا جہاں پولیس کو ایک خودکش نوٹ ملا۔

پولیس نے کہا کہ اس نوٹ میں اس نے لکھا کہ محبت میں ناکامی پر وہ یہ انتہائی اقدام کررہا ہے۔