ملے پلی میں فرنیچر کی دکان میں بڑے پیمانہ پر آگ لگ گئی

حیدرآباد: شہرحیدرآباد کے ملے پلی علاقہ کے سیتارام باغ میں کل شب فرنیچر کی دکان میں بڑے پیمانہ پر آگ لگ گئی۔مقامی افراد نے اس آگ کے ساتھ کثیف دھوئیں کو دیکھ کر فائربریگیڈ کے عملہ کو اس بات کی اطلاع دی جس کے بعد فائربریگیڈ کے عملہ نے وہاں پہنچ کر کافی جدوجہد کے بعد آگ پر قابو پایا۔

آگ لگنے کی وجہ معلوم نہ ہوسکی۔اس واقعہ میں کسی جانی نقصان یا پھر کسی کے جھلسنے کی کوئی اطلاع نہیں ملی البتہ بڑے پیمانہ پر مالی نقصان ضرورہوا ہے۔