حیدرآباد کے میڈیکل طالبعلم نے خودکشی کرلی

حیدرآباد: شہرحیدرآباد کے جواہرنگر میں میڈیکل طالب علم نے خودکشی کرلی۔اس کی شناخت جگدیش کے طورپر کی گئی ہے جو ایراگڈہ آیورویدک کالج میں سال اول کی تعلیم حاصل کررہا تھا۔

شبہ کیاجارہا ہے کہ لڑکی کے ساتھ اس کے جھگڑے کے بعد اس نے پھانسی لے کر خودکشی کرلی۔ جگدیش کا تعلق محبوب نگر ضلع کے دامرگدا سے ہے۔

اس نے اپنے کمرہ میں پنکھے سے پھانسی لے کر یہ انتہائی اقدام کیا۔اطلاع ملتے ہی پولیس وہاں پہنچی جس نے اس سلسلہ میں ایک معاملہ درج کرکے لاش کو پوسٹ مارٹم کے لئے گاندھی اسپتال منتقل کیا۔