حیدرآباد: افرادخاندان کے ساتھ ایک مشہور فاسٹ فوڈجائنٹ کا خوشگواردورہ حیدرآبادی ایک بچے کے لئے بھیانک خواب اس وقت بن گیاجبکہ ایک بڑے چوہے نے کمسن لڑکے کے نیکر(تھری فورتھ) پر چڑھ کر اسے کاٹ لیا۔
شہر حیدرآبادکے کوم پلی علاقہ میں ایک بڑے فاسٹ فوڈآوٹ لیٹ میں یہ واقعہ‘سی سی ٹی وی کیمروں میں قیدہوگیا اوریہ ویڈیوسوشل میڈیا پر وائرل بھی ہوگیا۔
اس ویڈیومیں 8 سالہ ایک بچہ‘اپنے والدین کے ساتھ اسناک کھاتے ہوئے دیکھاجاسکتا ہے۔
اس دوران ایک بڑا چوہا‘ریسٹورنٹس کے واش روم سے تیزی کے ساتھ ڈائننگ ایریا میں داخل ہوگیا اور یہ چوہا اچانک بچے کی نیکر پر چڑھ جاتا ہے تب اس کمسن کے والد چھلانگ لگاکر چوہے سے بچے کوبچاتے ہیں اور چوہے کو نکال پھینک دیتے ہیں تب تک چوہا بچے کے پیر کو کاٹ لیتا ہے
۔کمسن کوفوری مقامی ہاسپٹل منتقل کیا جاتا ہے جہاں اس کا علاج کیاجاتا ہے۔بچے کے پیر پرچوہاکاٹنے کے دوزخم پائے گئے۔ بچے کے والدآرمی آفیسرہیں انہوں نے اس واقعہ کے دوسرے دن 9مارچ کوپولیس میں شکایت درج کرائی۔
