مسافر طیارہ میں دوران پرواز لگیج باکس سے اچانک سانپ نکل آیا (ویڈیو وائرل)

بنکاک : تھائی لینڈ کی ایئر ایشیا کی پرواز میں اچانک سانپ نکل آیا جسے دیکھ کر مسافر خوفزدہ ہوگئے۔ سوشل میڈیا پر تھائی لینڈ کی ایئر ایشیا کی پرواز بنکاک سے فوکٹ جارہی تھی کہ اچانک مسافروں کے سروں کے اوپر بنے باکس پر سانپ رینگتے ہوئے دیکھا گیا۔

مسافر نے سانپ سے متعلق فلائٹ اٹیننڈنٹ کو بتایا جسے سانپ کو پکڑنے کی کوشش کرتے دیکھا جاسکتا ہے۔ ویڈیو میں دیکھا جاسکتا ہے کہ فلائٹ انٹیننڈنٹ پہلے سانپ کو بوتل میں بند کرنے کوشش کرتا ہے لیکن بعد میں وہ اسے پلاسٹک کے تھیلے میں ڈال دیتا ہے۔

ایئرلائن انتظامیہ نے واقعہ کی تصدیق کرتے ہوئے کہا کہ طیارہ کے فوکٹ میں اترنے سے پہلے ہی عملے کو الرٹ کردیا گیا تھا۔ ایئرلائن کی کارپوریٹ سیفٹی کے سربراہ فول پومپوانگ نے کہا کہ ایسے واقعات بہت کم ہوتے ہیں اور فلائٹ اٹیننڈنٹ کو ان حالات سے نمٹنے کے لیے مناسب تربیت دی جاتی ہے۔