تلنگانہ کے نرمل ضلع میں انوکھا واقعہ، چوروں نے کار میں دوگائیوں کی چوری کرلی

حیدرآباد: تلنگانہ کے نرمل ضلع میں بدلتے جرائم کے رجحان کو ظاہر کرتی ہوئی ایک حیران کن چوری کی واردات پیش آئی ہے۔ بھینسہ منڈل کے سنکلی گاؤں میں راجندر اور راجوا نامی کسان جوڑے کی دوگائیوں کی چوری کار میں کی گیی

یہ واقعہ رات دیرگیے پیش آیا۔ جب گھر کے قریب بندھی ہوئی گائیں اچانک غائب ہو گئیں تو مالکین نے ساری رات تلاش کی، لیکن کوئی سراغ نہ ملا۔ صبح 8 بجے تک بھی گائیں نہ ملنے پر انہوں نے قریبی گھروں کے سی سی ٹی وی کیمرہ فوٹیج دیکھی، جس میں کچھ مشتبہ افراد کو ایک کار میں گائیں لے جاتے ہوئے دیکھا گیا۔

پولیس نے سی سی ٹی وی فوٹیج کی بنیاد پر مقدمہ درج کر کے جانچ شروع کر دی ۔ اس حیران کن واقعہ نے مقامی افراد کو پریشانی میں ڈال دیا ہے، جو اب ایسی عجیب و غریب چوریوں پر روک لگانے کا مطالبہ کر رہے ہیں۔

یہ واقعہ نہ صرف ایک انوکھے جرائم کی عکاسی کرتا ہے بلکہ یہ بھی ظاہر کرتا ہے کہ وقت کے ساتھ مجرموں کے طریقے کس طرح بدل رہے ہیں۔ اب وہ روایتی طریقوں کو چھوڑ کر جدید ٹکنالوجی اور غیر متوقع حکمت عملیوں کا سہارا لے رہے ہیں۔

پہلے صرف قیمتی اشیاء جیسے زیورات، نقدی یا گاڑیاں چوری ہوتی تھیں، لیکن اب چوروں کا نشانہ جانور بھی بن رہے ہیں۔ یہ واقعہ اس نئی اور چونکا دینے والی مجرمانہ سوچ کی واضح مثال ہے۔