کمرم بھیم آصف آباد میں وین نے موپیڈ کو ٹکر دے دی،خاتون ہلاک

حیدرآباد: وین نے موپیڈ کو ٹکر دے دی جس کے نتیجہ میں اس موپیڈ پر سوار خاتون ہلاک ہوگئی۔یہ حادثہ تلنگانہ کے ضلع کومرم بھیم آصف آباد میں پیش آیا۔پولیس نے بتایا کہ اندانی گاوں سے تعلق رکھنے والی خاتون جس کی شناخت جے شانتابائی کے طورپر کی گئی ہے، کی گاڑی کو وین نے ٹکر دے دی۔وہ دیگر دو کے ساتھ اپنی گاڑی میں جارہی تھی۔

اس کو زخمی حالت میں علاج کیلئے اسپتال منتقل کیاگیا جہاں اس کی موت ہوگئی جبکہ دیگر دو معمولی زخمی ہوگئے۔اس حادثہ کے بعد وین کا ڈرائیور فرار ہوگیا۔پولیس نے وین کے ڈرائیور کے خلاف معاملہ درج کرکے اس کو پکڑنے کی کوششوں کا آغاز کردیا۔