پرانا شہر حیدرآبا دمیں بوسیدہ مکان کی دیوار گرگئی، ایک شخص ہلاک

حیدرآباد: پرانا شہرحیدرآباد کے علاقہ دودھ باولی میں بوسیدہ مکان کی دیوار منہدم ہوگئی جس کے نتیجہ میں ملبہ میں پھنس کر ایک شخص کی موت ہوگئی۔

یہ عمارت کافی قدیم تھی اور حالیہ بارش کے نتیجہ میں یہ عمارت کافی بوسیدہ بھی ہوگئی تھی۔

کل شب اچانک نند کمار نامی شخص پر بوسیدہ مکان کی دیوار گرگئی جس کے ملبہ میں پھنس کر نند کمار ہلاک ہوگیا۔

مقامی افراد نے اس کو کافی جدوجہد کے بعد نکالاتاہم تب تک اس کی موت ہوگئی تھی۔