مرزا پور میں حادثہ، 10 مزدور ہلاک

لکھنو(آئی اے این ایس) مرزا پور۔ وارانسی سرحد پر جی ٹی روڈ پر ایک ٹرک اور ٹریکٹر ٹرالی کی ٹکر میں کم ازکم 10 افراد ہلاک اور 3 دیگر زخمی ہوگئے۔

پولیس کی اطلاع کے بموجب ٹریکٹر ٹرالی میں 13 مزدور سوار تھے جو ضلع بھدوہی میں تعمیراتی کام کے بعد لوٹ رہے تھے کہ پیچھے سے ٹرک نے ٹکر دے دی۔

کہا جاتا ہے کہ ٹرک بے قابو ہوگیا تھا۔ زخمیوں کو ٹراما سنٹر وارانسی ریفر کیا گیا۔ اسی دوران ایف آئی آر درج کرلی گئی اور قانونی کارروائی جاری ہے۔

Photo Source: @aliTPCC